Dear NeelSonu,
Date: 28th Jan, 2011.
Time: 11.36pm.

                                  Aaj Sonu ke Neel ka Janamdin hai..... Sonu ki khwaish thi ke woh apne Neel ka B'day apne saath manayegi..... par nahi puri ho saki ye khwaish.... shayad God ko ye manjoor hi nahi tha..... behad jyada dard hua..... par iss baat ki khushi huee.... ke sonu ke Neel khush hai aaj..... aur waise bhi woh sonu ko milna pasand hi nahi karte..... aur ab to jab bhi milte hai sonu apne Neel ko sivay aansoo ke kuch nahi deti.... iss se behtar to yahi hoga ke woh apne Neel se door hi rahe...... jab ke sonu apne Neel se ek minuite kya ek second tak ke liye door nahi reh sakti..... fir bhi unki khushi ke ye sab kuch manjoor hai sonu ko....

                                God se sonu ki yahi Dua hai ke woh sonu ke Neel ko Zindagi ki saari khushiya de.... sonu ke daman ki bhi saari khushiya God sonu ke Neel ko de..... yahi Dua sonu ki apne Neel ke liye hamesha rahegi apni puri zindagi..... kitni badnaseeb hai ye sonu jo apne pyaar ko apne Neel ko pakar bhi unke saath nahi reh sakti.... iss se jyada badnaseebi kya ho sakti hai iss pagli ke liye..... Behad jyada mushkil lagne lagi hai ab to ye Zindagi..... kaash aisa ho aur God sonu ki jaldi sune aur sonu ko jaldi apne paas bula le.... apne mom dad bhai ke paas... sabhi ke paas jo sonu ka Intazar kar rahe hai..... kam se kam waha sabhi hai sonu ke apne..... yaha to sonu ka koi nahi hai koi bhi nahi..... aur jo hai woh to sonu ko dekhna tak pasand nahi karte...... Kya kahu Dil rota hai ab to.... behad jyada..... behad hi jyada......

                                            

Pata nahi par Neel aaj Sonu ko aap ki behad jyada yaad aa rahi hai saachi....

Dear NeelSonu,
Date: 26th 2011.
Time: 6.52pm.

                               Pata nahi par aaj sonu ko apne Neel ki behad jyada yaad aa rahi hai.... ye acchi tarah se janti hai Sonu ke ab sonu ke woh Neel nahi rahe jo sonu ko kabhi akele rehne hi nahi dete the.... jo sonu se itna jyada pyaar kiya karte the ke sonu ko kabhi bhi kisi baat ki kami mehsoos nahi hoti thi.... jo har pal sonu ko apni baho me lete the.... ab sonu ko apne ussi Neel ka pyaar nahi milta jo pehle mila karta tha...... par ye bhi janti hai sonu e Neel ka pyaar apni sonu ke liye kabhi bhi kam nahi hua hai kabhi bhi nahi.... woh aaj bhi apni sonu se behad hi jyada pyaar karte hai aur hamesha karte rahenge... fir bhi Dil ko hamesha Intazaar rahega sonu ko apne ussi Neel ka..... aur ek din ye jarur aayega ke sonu ko apne wahi Neel hamaesha hamesha ke liye mil jayenge hmmmm saachi....
                                 Aur kal ka din to sonu kabhi nahi bhul sakti.... Kal sonu ne lunch nahi liya tha.... aur office me lunch ka time hua tha... par sonu ne lunch banaya hi nahi tha.... to sabhi sonu ko baate sunane lage.... par unki baat bhi sahi thi..... tab sonu ko apni family ke na hone ka Ehsaas hua.... Itna jyada dhuk ho raha tha,, soch rahi thi ke kash sonu ki mom hoti to aaj sonu ko iss tarah bhuke nahi jana hota office me.... aur bhi bahut kuch soch rahi thi ke ussi waqt Neel ka call aa gaya....
                                  Aur hamesha ki tarah Neel ko sonu ke bare me kuch bhi batane ki jarurat nahi hoti bas woh jaan hi lete hai apni sonu ko.... aur woh samaz gaye ki sonu aaj behad jyada pareshan hai.... aur sabko miss kar rahi hai.... tabhi Neel ne sonu ki baat Dad se kara di..... Itni jyada khushi huee ke kya batau.... bas Dil kar raha tha gar Neel samne hote to unhe behad jyada kiss karti... unke mana karne ke bawajud bhi hmmmmm saachi..... Bas yahi kahungi THANK U SOOO MUCH NEEl.... Thanks a lot....

                                              Bas yahi kehna tha aaj Sonu ko....
                                              Thank you sooooooo much....
                                               Dear NeelSonu......

                                

Dear NeelSonu aap se kuch kehna hai Sonu ko.....

Dear NeelSonu,
Date:21st Jan, 2011.
Time: 9.33pm.

                                 Aaj kuch ajeeb sa hua sonu ke saath, jo socha nahi tha wahi hua, accha hi jo hua woh par uski wajah shayad sonu ko pata hai bhi aur nahi bhi. Sonu ne to sochkar rakha tha ab woh apne Neel ko kabhi bhi apni zindagi pareshan nahi karegi. Dil na chahte hue bhi sirf aur sirf apni Neel ki khushi ke liye Sonu ne ye faisla liya tha ke woh apne Neel se hamesha hamesha ke liye door chali jayegi, par shayad ye Neel ka pyaar hi hai, shayad nahi sach me Neel ke pyaar ne Sonu ka itna unse juda rakha hai ke kabhi bhi alag nahi ho sakti Sonu apne Neel se.
                                 Aaj subah se Sonu behad hi jyada pareshan thi, aaj ka paper to sonu ko bilkul bhi accha nahi gaya, shayad Sonu fail bhi ho jayegi pata nahi. Sonu jab ghar se office jane nikli tab soch rahi thi pata nahi Neel kya kar rahe honge, unhone kuch khaya bhi hai ya nahi, thik se to train pakad li hogi ya nahi bahut aisi baate soch rahi thi, aur kuch hi der baad unka call aa gaya. Dil itna khush hua par fir socha unko to sonu ki baate irritate karti hai, pata nahi fir kya suna denge sonu ko jiski wajah se fir se sonu ka Dil tut jayega, fir socha ab to aadat si ho gayee hai unki baate sun ne ki fir ek baar aur sahi aur yahi sochkar sonu ne unka caal attend kiya.
                                 Par aaj unki baate kuch ajeeb hi lagi sonu ko, aise jaise sonu ke wahi Neel, wahi pehle wale Neel sonu se baate kar rahe hai, itni jyada khushi huee unki baate sunkar par fir ye bhi sochne lagi unka iss tarah se achanak badalna, kuch samaz nahi payee sonu. Aakhir kyun Neel achanak se badal gaye, Neel apni Sonu se naraz hai ye to janti hai sonu, fir kya unki narazgi door ho gayee??? ya fir unhone sirf Sonu ki khushi ke liye ye sab kiya??? ya fir Neel chahte hai jitne bhi pal Sonu ke bache hai ya jitni bhi zindagi sonu ki baki hai Sonu ko khushiya de de???? pata nahi par Dil bahut sare sawalo se ghira hua ab bhi hai jinka Sonu ke paas koi jawab nahi hai. par jawab janna jarur chahungi ke Neel achanak se iss tarah kyun badal gaye??? Kyun???
                                Sonu puri koshish karegi ke woh Neel ko ab shiqayat ka koi moka na de, jab tak Sonu hai tab tak bilkul bhi nahi. Sonu ke liye bas itna hi kafi hai ke Sonu ke Neel Sonu ke paas hai, to kya hua gar Hum kabhi ek nahi ho paye, iss se koi fark nahi padta sonu ko. Sonu ke liye unke Neel Sonu ke paas hai, Sonu ke hamesha kareeb hai behad jyada kareeb, wahi kafi hai. Fir chahe kitni bhi door kyun na rahe woh.
                                Sonu hamesha God se Dua karegi, ke hamara pyaar hamesha Hum dono ke saath rahe, hamesha hamesha, puri zindagi. kyunki kal ka kya hai. kal to Sonu rahegi ya nahi bhi rahegi. par hamara pyaar hamesha hamare saath rahega hamesha.
                                         Yahi kehna tha Sonu ko Aap se.
                                          Thank you sooooo much
                                           Dear NeelSonu...

 

Aaj Dil kiya apne NeelSonu se kuch kehne ka, to bas likh diya....

Dear NeelSonu,
Date: 20th Jan, 2011.
Time: 9.28pm.
                         Aaj Sonu sach me haar gayee, haar gayee apne pyaar se. Kabhi socha nahi tha jo Neel apni Sonu se itna jyada, hadd se bhi jyada pyaar kiya karte the, aaj wahi Neel apni Sonu ko se kuch der baate bhi karna pasand nahi karte. Itna to yeh Sonu janti hai apne Neel ko, ke woh apni Sonu se aaj bhi behad jyada, behisaab pyaar karte hai, aur hamesha apni puri zindagi karte rahenge, par Sonu ko apne wahi Neel fir se chahiye dear, wahi Neel jo apni Sonu ke bager ek minute bhi nahi reh sakte the, wahi Neel jo apni Sonu ko behisaab pyaar karte hai, aur Sonu ko apne Neel ka puri Zindagi Intazar rahega, apni puri Zindagi.


                          Behad dard hota hai jab Neel sonu ko itni aasani se kehte hai, aaj ke baad na hi Neel ko call karna aur na hi sms karna, aur iss se bhi jyada dard tab hota hai jab Sonu ke wahi Neel Sonu ko kehte hai ke muze irritate mat karo. Nahi saha jata ab ye dard, iss se to behtar Maut hai Sonu ko.


                           Sonu ne bahut sari galtiya ki hai jiski wajah se Neel ka naraj hona bhi jayaz hai, par kya koi apno se itna Naraz bhi hota hai kya??? Kya itni buri hai ye Sonu jo apne Neel ka pyaar bhi nahi pa sakti??? Kya Neel Sonu ko kabhi Maaf nahi kar sakte??? 


                            Aaj Neel ne Sonu ko behad dard diya hai, unka pura haq bhi hai apni Sonu par, par jab woh aisi baate karte hai to behad dard hota hai, aise lagta hai abhi apni jaan le lu, par fir Dil sochta hai pata nahi Sonu ke baad apne Neel ka kya hoga??? Aur yahi sochkar bas apne Dil ko jhoothi tasalli deti hu.


                            Gar Sonu ke baat karne se ya sms karne se Neel ko behad jyada taqleef hoti hai, to aaj ke baad Sonu ne Neel ko keh diya hai ke woh apne Neel ko kabhi pareshan nahi karegi, kabhi nahi, gar Sonu se door rehkar hi apne Neel ko khushi hoti hai to yahi sahi. 


                              Sonu ki khushi to apne Neel me hi hai, Neel khush to Sonu khush. Bas issi baat ka puri Zindagi bhar afsos rahega, ke woh apne Neel ko dher sara pyaar nahi de payee, jo apne God ke paas Sonu ne wada kiya tha, to kya hua par Neel to Sonu se door rehkar khush rahenge na. Bas isime Sonu khush raha karegi.


                               Sonu ne apne Neel se bas ek Aakhri Khwaish puri karne ke liye kaha hai. Aur apne God se yeh roj Dua mangegi ke Neel Sonu ki woh Aakhri Khwaish jaha kahi bhi rahenge puri karne jarur aayenge. 


                               Bas yahi kehna tha Sonu ko (NeelSonu) aap se, aur aaj ke baad Sonu kahi bhi rahegi, par jab bhi Dil kiya aap se kuch kehna hai to yahi issi Blogspot me aap se kaha karegi aur apne Dil ko tasalli diya karegi. Koi to hai jo Sonu ke Dil ka haal sun sakta hai.


                                       THANKYOU SOOOOOO MUCH
                                                 DEAR NEELSONU

Hey My Buddhu Hubby this is for u sweetheart.... I LOVE U....

Hey My Sweet Buddhu Hubby This is Only for u darling..... I Hope U'll Like it......

I love you because I know you're always there, there to catch me when I fall, there to listen when I need you, there when I feel alone.

MY LIFE IS NOTHING WITHOUT U NEEL.... I LOVE U & I ALWAYS DO FOREVER & EVER....

Hey yeh Hamari likhi huee shayari nahi hai Neel... Par Hum itna Yaqeen se keh sakte hai,,, ke aap ko yeh behad pasand aayegi... Isme Hamare Dil ka pura haal hai Neel...

Ab Tere Liye Mera Deewanapan
Isse Zyada Aur Kya Hoga,,,,,,,

Dekhate Hai Jis Khat Par Tera Naam
Sochti Hun Tera Yeh Paigaam Mere Liye Hi Hoga.....

Tere Geet Teri Nazm Mein Pada Hai Jab Bhi Pyaar Ke Shabado Ko
Kyu Yeh Lagta Hai Ki Tune Yeh Mere Liye Hi Likha Hoga........

Jab Bhi Dhalka Hai Shaam Ka Aanchal Jo Kahi
Mujhe Kyu Lagata Hai Ki Tu Kahi Intazaar Mera Karta Hoga........

Chuma Hai Jab Bhi Bhaware Ne Kisi Kali Ko Muskara Ke
Kyu Laga Mujhe Ki Tune Khayalo Me Mere Labo Ko Chuma Hoga.......

Jab Bhi Barsa Hai Badal Jhum Ke Dharati Per Kabhi
Kyu Laga Mujhe Ki Tune Mujhe Apni Bahaon Me Sameta Hoga......

Dharka Hai Jab Bhi Mera Dil Jor Se Kabhi Ya Li Hai Maine Hichkiyan
Raha Mere Di Ko Yehi Ehasas Ki Tune Dil Ki Geharyion Se Yaad Mujhe Kiya Hoga......

Yeh Mera Diwanpan Kahi Aur Diwaana Na Kar De Mujhko
Ab Isse Jayda Teri Mohabbat Ka Nasha Aur Kya Hoga......!!!!